Бишкек, 14.07.23. /Кабар/. Борбордук шайлоо комиссиясына бүгүн саат 09:00гө карата №26 Ленин бир мандаттуу шайлоо округу боюнча Жогорку Кеңештин депутатын мөөнөтүнөн мурда шайлоого катышуу ниети менен эки талапкерден арыз түштү.
Маалыматка ылайык, төмөнкү жарандар азыр берген:
- 33 жаштагы активист Эртай Искаков;
- 29 жаштагы коомдук ишмер Аскар Алмаз улуу.
Эске сала кетсек, буга чейин БШК Ленин округу боюнча ЖК депутатын шайлоонун жыйынтыгын жокко чыгарган.
Андан соң БШК кайра шайлоону 10-сентябрга белгилеген.
Пикир
Оставить комментарий