Бишкек, 23.03.23. /Кабар/. Бишкекте кыздар арасында волейбол боюнча мелдештин жеңүүчүлөрү аныкталды. Бул тууралуу мэриянын басма сөз кызматы билдирди.
Мектеп лигасында окуучулар спорттун 11 түрү боюнча күчүн сынашат.
Спорттук иш-чаранын негизги максаты – Бишкек шаарында балдар-өспүрүмдөр спортун андан ары өнүктүрүү, жалпы билим берүүчү мектептердин окуучуларын спорт менен системалуу машыгууга тартуу, балдарды адистештирилген спорттук мектептерге даярдооо жана мектептер ортосундагы достук байланыштарды чыңдоо болуп саналат.
14-марттан тарта №62 мектеп-гимназиянын спорт залында кыздар арасында волейбол боюнча мелдештер өткөрүлүп, ага Бишкек шаарынын жалпы билим берүүчү мектептеринен жана гимназияларынан 16 команда катышты.
Мелдештин жыйынтыгы боюнча төмөнкү мектеп байгелүү орундарды ээледи:
- 1 орун — №62 мектеп;
- 2 орун — №1 мектеп;
- 3 орун — №6 мектеп.
Пикир
Оставить комментарий