Бишкек, 19.05.21. /Кабар/. Бишкек мэриясы акыркы коңгуроону санитардык нормаларды эске алуу менен салттуу режимде өткөрүүнүн алгоритмин иштеп чыгууда. Бул тууралуу “Кабар” агенттигине шаардык муниципалитеттин басма сөз кызматы билдирди.
Маалыматка ылайык, акыркы коңгуроо 100% салттуу режимде өткөрүлөт деп айтууга азырынча эрте.
“Бирок иш-чараларды бардык санитардык нормаларды эске алуу менен өткөрүүнүн алгоритмин иштеп чыгуу тапшырмасы берилди”,-деп түшүндүрдү мэриядан.
Эске сала кетсек, акыркы чечим Билим берүү жана илим министрлиги, Саламаттык сактоо жана социалдык өнүктүрүү министрлиги, Бишкек шаардык санитардык-эпидемиологиялык көзөмөл мамлекеттик борбору менен биргеликте кабыл алынат.
Мындан мурда Билим берүү жана илим министрлиги “Кабар” агенттигине акыркы коңгуроо салттуу режимде өткөрүлбөй турганын, бардык иш-чаралар онлайн-форматта өткөрүлө турганын билдирген.
Ведомствонун маалыматы боюнча, куттуктоо программалары облустардагы, Бишкек жана Оштогу билим берүү борборлору 15 мүнөттүк кылып даярдашы керек. Эфир убактысы буга чейин “ЭлТР” жана “Илим-Билим” телеканалдарында 25-май саат 10дон 12:30га чейин бөлүнгөн.
Ошондой эле бул жылы бүтүү кечелерин өткөрүүгө дагы тыюу салынган.
Пикир
Оставить комментарий