Бишкек, 06.06.22. /Кабар/. Бишкектеги Жусуп Баласагын атындагы Кыргыз мамлекеттик университетинде ордо оюну боюнча өлкө чемпионаты өтөт.
Ордо федерациясынан билдиришкендей, оюн 9-11-июнь күндөрү университеттин Ордо аянчасында болот.
Чемпионатка республиканын жети облусунан жана Бишкек, Ош шаарынын курама командалары катышмакчы.
Мелдештин жыйынтыгы боюнча байгелүү орундарды ээлеген спортчулардын арасынан Кыргызстан курама командасы куралып, алар эл аралык мелдештерде өлкөнүн намысын коргошот.
Пикир
Оставить комментарий