Бишкек, 03.08.18. /Кабар/. Бишкектеги “Аккула” ат майданында президенттин кубогу үчүн көк бөрү боюнча турнир өтөт. Бул тууралуу аталган спорттун түрү боюнча федерациядан билдиришти.
Турнир 25-августта башталып, Эгемендүүлүк күнүндө – 31-августта аяктайт.
Оюнга биринчи лигадагы командалар гана катыша алышат. Командалар оюнга катышуу үчүн билдирмелерин 15-августка чейин бериши керек.
Уюштуруучулардын маалыматына караганда, турнирди өткөрүүдөгү максат – спорттун аталган түрүн популяризациялоо, элдин биримдигин бекемдөө.
Эске салсак, көк бөрү боюнча президенттин кубогу үчүн оюн жыл сайын өткөрүлүп келет. Акыркы жолу Ош облусунун “Достук” командасы чемпион аталган.
Пикир
Оставить комментарий