Бишкек, 01.12.23. /Кабар/. Чүй облусунун туристтик жерлерине баруучу жолдун жээгине белгилер орнотулду, деп билдирет Туризмди өнүктүрүүнү колдоо фонду.
Алар Чоң-Кемин жаратылыш паркына жана Шабдан Баатырдын музейине, Көл-Көгүр көлүнө жана Жантай хандын эстелигине жана башка кызыктуу жерлерге багыт көрсөтөт.
Белгилер маалыматтык навигация долбоорунун алкагында Туризмди өнүктүрүүнү колдоо фонду тарабынан орнотулган. Бул долбоор боюнча Чүй облусунун Чоң-Кемин өрөөнүндө жалпысынан 9 белги орнотулган.
Буга чейин алар Нарын облусунда орнотулган, келечекте республиканын бардык аймактарында пайда болот.
Пикир
Оставить комментарий