Бишкек, 01.11.23. /Кабар/. Sky Elevators лифт куруу заводу менен Россиянын "Технопарк торгмаш" компаниясынын ортосунда лифттерди жеткирүү жана РФ аймагында кыргыз заводунун продукциясын таркатуу жөнүндө келишимге кол койду.
Sky Elevators лифт куруу заводунун жетекчиси Рахат Жунушбаева өзүнүн социалдык тармагына пост жазып, бул келишимге кол коюу бизнести өнүктүрүүгө жана экспортту көбөйтүүгө жаңы мүмкүнчүлүктөрдү ачып жатканын белгиледи. Ал Россия Кыргызстандын лифт тармагы үчүн маанилүү рыноктордун бири экенин кошумчалады.
"Заводубузда атаандаштыкка жөндөмдүү лифттерди өндүрүү үчүн бардык керектүү ресурстар жана технологиялар бар", - деп жазды ал.
Өз кезегинде россиялык компаниянын өкүлдөрү ийгиликтүү жана өз ара пайдалуу кызматташууга ишеним билдиришти, бул алардын пикири боюнча, лифт жабдуулары рыногунда эки компаниянын позицияларын бекемдейт.
Пикир
Оставить комментарий