Бишкек, 21.06.22. /Кабар/. Жалал-Абад шаарындагы №7 Алым Усман атындагы жалпы орто билим берүүчү мектептин чатыры жаңыртылып, шаардын вице-мэри Элдос Таев баштаган атайын комиссия курулушту кабыл алды.
Жалал-Абад шаардык мэриясынан билдиришкендей, аталган мектептин чатырынан бир топ жылдан бери суу өтүп, окуучулардын билим алуусуна ыңгайсыздык жаратып келген.
Курулушка жергиликтүү бюджеттен 6 млн сомдон ашуун акча каражаты сарпталды.
Белгилей кетсек, аталган мектепте 1700 окуучу билим алат.
Пикир
Оставить комментарий