Бишкек, 23.03.22. /Кабар/. Бүгүн, 23-мартта президенттин Нарын облусундагы ыйгарым укуктуу өкүлү Сабыркул Ашимбаев баштаган облустук Жарандык коргонуу кызматынын өкүлдөрү Ак-Сай өрөөнүнө сапар алды. Бул тууралуу өкүлчүлүктүн басма сөз кызматы билдирет.
Маалыматка ылайык, иш сапардын максаты Ак-Сай өрөөнүндө кыштаган Ат-Башы, Нарын райондорунун фермерлеринен кабар алуу, Чой-Жап кыштоосундагы малчыларга тоют жеткирүү, жолдун абалын көрүү, Торугарт көзөмөл өткөрүү пунктундагы айдоочулар менен жолугуп, жүк жүктөөчү автоунаалардын каттамын жакшыртуу боюнча сүйлөшүү жүргүзүү болуп саналат.
Пикир
Оставить комментарий