Бишкек, 17.11.22. /Кабар/. Кечээ, 16-ноябрда саат 14:15те “Кара-Кече” көмүр кенине баруучу унаа жолдогу Молдонун-Бели ашуусунда кар калың жаап, 9 оор жүк ташуучу унаа чыга албай калгандыгы тууралуу маалымат түшкөн.
Өзгөчө кырдаалдар министрлигинин басма сөз кызматынан билдиргендей, мындан улам Ак-Талаа райондук өзгөчө кырдаалдар бөлүмүнүн башчысы жетектеген ыкчам топ жана дагы 3 куткаруучу жериндеги абал менен таанышып, 9 айдоочуну ашуудан алып түшүп, үйлөрүнө жеткиришкен.
Учурда алардын абалы жакшы. Ал эми кар калың жаап жаткандыгына байланыштуу унаалар Молдонун-Бели ашуусунда калтырылган.
Эске салсак, аталган унаа жолу Ак-Талаа РМА башчысынын 2022-жылдын 3-ноябрь күнү чыгарылган №01-36-а/237 буйругу менен жол каттамы убактылуу жабылган.
Пикир
Оставить комментарий