Ошто коммуналдык чарба кызматкерлеринин күнүнө карата футбол боюнча мелдеш өттү

Аймак 0

Бишке, 20.03.22. /Кабар/. Ош шаарында 19-мартта коммуналдык кызматкерлердин күнүнө карата дене тарбия жана спорт комитети тарабынан футбол боюнча мелдеш уюштурулду.

Ош шаардык мэриясынын басма сөз кызматы билдиргендей, спорттук иш-чарага Ош шаарынын мэриясынын коммуналдык чарба тармагындагы мекеме-ишканаларынын жамааты катышты.

Жыйынтыгында биринчи орунду "Ошсвет" муниципалдык ишканасы, экинчи орунду "Ош-Тазалык" атайын адистештирилген муниципалдык ишканасы алды. Ал эми вице-мэр Сонунбек Жунусбаев баштаган Ош шаарынын мэриясынын командасы үчүнчү орунду камсыз кылды.

Жеңүүчүлөр жана активдүү катышуучулар Дене тарбия жана спорт комитети тарабынан дипломдор жана баалуу белектер менен сыйланышты.

Пикир

Оставить комментарий