Бишкек, 14.02.23. /Кабар/. Күн мурун, 13-февралда Жалал-Абад шаарындагы “Хадия-Камкор” кайрымдуулук фонду жер титирөөдөн жабыркаган боордош түрк элине кийим-кече, күнүмдүк турмушта керектелүүчү буюмдар жана 300 миң сом акча каражатын жөнөттү.
Жалал-Абад мэриясынан билдиришкендей, жиберилген жардам Жалал-Абад шаарынын, Сузак жана Базар-Коргон райондорунун жашоочулары тарабынан чогулган.
Белгилей кетсек, Жалал-Абад шаардык кеңеши жана Жалал-Абад шаардык мэриясынын кызматкерлери бир күндүк эмгек акысын боордош түрк элине жардам иретинде которот.
Эскерте кетсек, 6-февралда таңга жуук Түркия жана Сириянын аймагында очогунда 7,8 баллга жеткен катуу жер титирөө катталып, бир нече шаар кыйраган. Кийин жер титирөө дагы кайталанып, анын күчү очогунда 7,6 баллга жеткен.
Пикир
Оставить комментарий