Бишкек, 27.02.23. /Кабар/. Жалал-Абадда шаардын көркүн бузган жана мыйзамсыз орнотулган соода күркөлөрү алынууда. Бул тууралуу шаардык мэриядан билдиришти.
Маалыматка ылайык, муниципалдык менчик башкармалыгы тарабынан Ленин көчөсүндөгү кароосуз калган соода күркөсү жана автогараж алынып, Азимов көчөсүндөгү муниципалдык жайга мыйзамсыз курулган автогараж буздурулду.
Мэриядан белгилешкендей, алдыда шаардын көркүн базган жана муниципалдык жерлерге мыйзамсыз орнотулган соода күркөлөрүн, жарнамаларды алуу иши улантылат.
Пикир
Оставить комментарий