Бишкек, 13.06.22. /Кабар/. Ала-Бука районунун Өрүктү айылында 75 орундуу бала бакча курулуп, пайдаланууга берилди. Бул тууралуу президенттин Жалал-Абаддагы өкүлчүлүгүнүн басма сөз кызматы билдирди.
Маалыматка ылайык, бала бакча райондун өнүктүрүү фондунан каржыланып, 24 млн сом жумшалган.
"Мекемени ишке берүү аземине КР президентинин Жалал-Абад облусундагы ыйгарым укуктуу өкүлү Абсаттар Сыргабаев, район акими Нурбек Сатаров, жергиликтүү тургундар жана ата-энелер катышты", - деп айтылат маалыматта.
Облус башчысы мектепке чейинки мекеме наристелердин жаштайынан тарбиялоо жана билим сапатын жакшыртууга чоң түрткү берээрин белгилеп, жеткиликтүү бала бакча ата-энелердин жумуш менен алектенип, үй-бүлө кирешесин арттырууга да шарт түзөөрүн айтты.
Белгилей кетсек, Өрүктү айыл аймагында жалпы 8 миңден ашуун калк жашайт. Учурда үч бала бакча иштеп, дагы эки айылга мектепке чейинки билим берүү мекемесин куруу аракети көрүлүп жатат.
Пикир
Оставить комментарий