Бишкек, 05.09.23./Кабар/. Бишкектин Юнусалиев көчөсүнүн чыгыш тарабында тротуарды капиталдык оңдоо иштери аяктады.
Муниципалитеттен билдиришкендей, оңдоо иштери Юнусалиев көчөсүнүн Сухэ-Батор көчөсүнөн Ахунбаев көчөсүнө чейинки бөлүгүндө жүргүзүлдү. Тротуардын асфальтынын эски катмары сыйрылып, ирригациялык система, бордюрлар орнотулуп, ысык асфальт-бетон аралашмасы төшөлдү.
Учурда Юнусалиев көчөсүнүн батыш тарабындагы Ахунбаев көчөсүнөн Сүйөркулов көчөсүнө чейинки бөлүгүндө эски асфальтты сыйруу иштери башталды.
Пикир
Оставить комментарий