Бишкек, 03.02.22. /Кабар/. Кыргызстанда коомдук тамактануу тармагы үчүн 6%дык ставка каралууда. Бул тууралуу Бишкектеги брифинг учурунда Мамлекеттик салык кызматынын төрагасынын орун басары Нурлан Умтулов билдирди.
Анын айтымында, Кыргызстанда коомдук тамактануу тармагы көп чөйрөгө бөлүнөт, башкача айтканда кафе-ресторандар, тойканалар, рестобарлар жана башкаларды камтышы мүмкүн.
“Бир эле адилеттүү ченди табуу мүмкүн эмес, бул жерде сумма 5%дан 11%га чейин өзгөрөт. Ошондуктан, 6%дык ставка менен токтотуу чечими кабыл алынды, бул соода жана кызмат көрсөтүү үчүн да жогору. Бул мыйзам долбоору учурда коомдук талкууда”, - деди Умтулов.
Ошондой эле ал жакында эле жалпы тамактануучу жайлардын өкүлдөрү менен жолугушуу болгонун, анда азыр аталган мыйзам долбоору боюнча Экономика министрлигине өздөрүнүн сунушун берүүгө боло тургандыгы айтылганын кошумчалады.
Пикир
Оставить комментарий