Бишкек, 17.02.22. /Кабар/. Баткен районунун Кара-Бак айылынын Бото Нарматов орто мектебинде балдар иштери боюнча инспекциясынын кызматкерлери айылдагы ата-энелерге, мектеп окуучуларына түшүндүрүү иштерин жүргүзүштү. Бул тууралуу Баткен облустук милициясынын басма сөз кызматынан кабарлашты.
Маалыматка ылайык, жыйындын жүрүшүндө үй-бүлөлүк зордук-зомбулуктарга жол бербөө, уруу-урууга бөлүнүп топтошуп мушташуунун алдын алуу жана кылмыштуулукту болтурбоо боюнча жаңы мыйзамда көрсөтүлгөн беренелер боюнча түшүндүрүп беришти.
Жыйналышка райондун күч органдары, жергиликтүү бийликтин өкүлдөрү катышкан.
2022-жыл башынан бери Кара-Бак айылында жаш өспүрүмдөр катышкан бир кылмыш катталып, бети ачылган.
Пикир
Оставить комментарий