Энергетика жана энергиянын кайра жаралуучу булактары боюнча комитеттин жыйыны өттү

Коом 0

Бишкек, 16.11.23. /Кабар/. Энергетика жана энергиянын кайра жаралуучу булактары боюнча комитетинин кезектеги жыйыны өттү. Бул тууралуу Кыргызстандын Соода-өнөр жай палатасынан билдиришти.

Комитеттин төрайымы Кундус Кырбашева чакан гидроэлектрстанцияларын куруу үчүн жер тилкелерин бөлүп берүү маселесин көтөрдү. Катышуучулар бул жергиликтүү бийлик органдарынын жетишсиз ишмердүүлүгүнө байланыштуу олуттуу көйгөй экенин айтышты.

"Суу кодекси" сыяктуу так жобонун жоктугу МГЭСТИ куруу үчүн участокторду бөлүүдө кыйынчылыктардын себеби болуп саналат.

Отурумдун катышуучулары бул процедураларды кантип туура чечүү, жөнөкөйлөтүү жана жеңилдетүү боюнча өз идеяларын сунушташты. Азыркы учурда жүздөн ашуун компания Кыргызстандын чек арага жакын райондорунда МГЭСТИ куруу менен активдүү иш алып барууда.

Пикир

Оставить комментарий