Кыргызстандык абитуриенттер Москвадагы ядролук изилдөө улуттук университетине документтерин тапшыра алышат

Билим 0

Бишкек, 13.07.21. /Кабар/. Кыргызстандык абитуриенттер Москвадагы ядролук изилдөө улуттук университетине (МИФИ) документтерин тапшыра алышат. Бул тууралуу Кыргызстандын Россиядагы элчилигинин басма сөз кызматынан кабарлашты.

Элчилик бул аракеттер КР менен РФнын ортосундагы Кыргыз Республикасынын кесипкөй кадрларын даярдоо жаатында кызматташууну илгерилетүү боюнча жүргүзүлүп жаткан иштердин алкагында жүргүзүлүп жаткандыгын билдирет.

"МИФИ 2021-жылдын 31-июлуна чейин чет элдик жарандарды магистратурага акысыз негизде окууга кабыл алат, алар Россиянын жарандары менен бирдей шарттарда кирүү сынактарынан өтөт. Студенттер жатакана менен камсыз болушат, ошондой эле стипендия дайындалат", - деп айтылат маалыматта.

Документтерди кабыл алуу жана кирүү экзамендери аралык режимде жүргүзүлөт. Окуунун багыттарынын тизмеси, ошондой эле кабыл алуу комиссиясына тапшыруу үчүн зарыл документтердин тизмеси менен окуу жайдын сайтынан таанышса болот.

Пикир

Оставить комментарий