Бишкек, 18.02.22. /Кабар/. "Жалалабатэлектр" ААКсы жардам ирээтинде кар астында калган аба чубалгысын калыбына келтирди. Бул тууралуу аталган ишканадан кабарлашты.
Маалыматка ылайык, кар көчкүнүн кесепетинен 110-35-10кВ "Урумбаш" көмөк чордонунан кеткен 10 кВ "Южный тоннель" аба чубалгысынын №45 электр мамычасы кар астында калып, электр энергиясы үзгүлтүккө учураган.
Аталган жерде Жалал-Абад-Казарман-Балыкчы жолу курулуп жатат. Аба чубалгы курулуш компаниянын балансында. Ага карабастан, жумуштун жүрүшүнө тоскоолдук жаралбашы үчүн "Жалалабатэлектро" үзүлгөндү улап, электр жабдууларды калыбына келтирди.
Көк-Арт район электр тармактар ишканасынан 12 кызматкер тартылып, 44 жана 46 электр мамычалардын аралыгына 300 метр ЦИП зымын тартып беришти.
Пикир
Оставить комментарий