Бүгүн кечинде Бишкекте айрым троллейбус каттамдары убактылуу токтотулат

Бишкек. 12.04.24. /Кабар/. Бишкекте 12-апрелде айрым троллейбус каттамдары убактылуу токтотулат, деп билдирет муниципалитеттин басма сөз кызматы.

Ага ылайык, саат 19:00дөн тартып №11 жана №17 троллейбус каттамдары убактылуу токтотулат. Мындан тышкары, №10 троллейбус каттамы жарым-жартылай өзгөртүлдү. Кыймыл "Фрунзе" заводунан 8-кичи районуна чейин жүргүзүлөт.

Шаардык троллейбус каттамдарынын ишиндеги убактылуу өзгөрүүлөр "Асанбай" бурулуш акыркы пунктунда канализация иштерин жүргүзүү зарылчылыгынан улам келип чыккан.

Белгилей кетсек, 2024-жылдын 13-апрелинен тарта бардык троллейбустар линияга чыгып, кадимки режимде иштей баштайт.

Бишкек мэриясы келтирилген ыңгайсыздыктар үчүн кечирим сурайт жана жүргүнчүлөрдөн өзгөрүүлөрдү эске алуу менен сапарларын алдын ала пландаштырууну суранат.