Бишкек, 08.06.20. /Адил Төлөгөнов – Кабар/. Баткен облусунда жалпы республикалык тестирлөөнү тапшыруу үчүн 3 миң 226 окуучу каттоодон өттү. Бул тууралуу өкмөттүн Баткен облусундагы ыйгарым укуктуу өкүлүнүн орун басары Чынар Саттарова брифингде билдирди.
Анын айтымында, облус боюнча мектепти 5 миң 11 окуучу аяктайт.
"Тестирлөө санитардык нормаларды сактоо менен жүргүзүлөт. Баткен боюнча 8 мектеп тандалып алынган. Ал жерлерде даярдыктар жүрүүдө. Бүтүрүүчүлөрдүн коопсуздугун медиктер жана укук коргоо кызматкерлери көзөмөлдөйт", - дейт ал.
Белгилей кетсек, Билим берүү жана илим министрлигинин маалыматы боюнча, Кыргызстан боюнча 41 миң 727 абитуриент жалпы республикалык тестирлөөгө каттоодон өттү.
Жалпы республикалык тестирлөө 3 баскычта өтөт. 21-июнда негизги тест, 22-июнда кошумча сабактар боюнча тест тапшырылат. Экинчи этап 24-25-июнда, үчүнчү этап 11-12-июлда өтөт.
ЖРТга каттоо 15-майда аяктаган.
Пикир
Оставить комментарий