Жазында Бишкек 1,6 млн бир жылдык гүлдөр менен кооздолот

Бишкек, 19.02.24. /Кабар/. Жазында Бишкек 1,6 млн бир жылдык гүлдөр менен кооздолот.

Муниципалитеттен билдиришкендей, «Бишкекжашылкурулуш» муниципалдык ишканасынын күнөсканаларында жазгы гүл отургузууга активдүү даярдык башталды.

"Учурда күнөсканаларда жаш көчөттөрдү жаңы топурак аралашмасы толтурулган чоңураак идишке көчүрүү иштери жүрүп жатат, бул процесс гүл үчүн оор болушу үчүн, көчөттөр өсүүнүн алгачкы стадиясында жыйналып алынат. Февраль айында ишкананын эки күнөсканасына бир жылдык гүлдөрдүн 20дан ашык түрүнүн үрөнү себилген. Апрель айынын аягында шаардын гүлзарлары 1 млн 600 миң бир жылдык гүлдөр менен кооздолот", - деп айтылат маалыматта.

Маалымдама: Азыркы «Бишкекжашылкурулуш» ишканасынын аймагындагы алгачкы күнөсканалар 1933-1940-жылдары курулган, согуштан кийинки жылдары бир нече күнөскана курулган, акыркы күнөскана 1987-жылы, декоративдик-жемиш чарба совхозу иштеп турганда курулган.

Белгилей кетсек, өткөн 2023-жылы ишкананын аймагында аянты 400 чарчы метр, бийиктиги 4 метр болгон кореялык технология менен жаңы күнөскана курулган. Ал жаңы жана жакшыртылган жылытуу жана желдетүү системасы менен жабдылган.