Бишкек, 08.09.22. /Кабар/. Москва районунда мал уурдоого шектүү жарандар кармалды. Бул тууралуу Чүй облустук милициясынан билдиришти.
Маалыматка ылайык, Москва райондук милициясына Б.А. аттуу жаран арыз менен кайрылып, анда ал 2022-жылдын август айында Москва районунун аймагындагы Кара-Суу жайлоосунан белгисиз адамдар үч баш жылкысын уурдап кетишкенин билдирген.
Аталган факты боюнча Кылмыш-жаза кодексинин уурулук беренесинин негизинде кылмыш иши козголгон.
Жүргүзүлгөн ыкчам иш-чаралардын натыйжасында кылмышка шектелип 45 жаштагы Ж.А. жана 27 жаштагы А.Ж. аттуу жарандар кармалып, убактылуу кармоочу жайга киргизилген.
Учурда тергөө иштери уланууда.
Пикир
Оставить комментарий