Бишкек, 04.02.22. /Кабар/. Москва районунда суу бөлүштүрүүчү темир тосмолорду уурдоого шектүүлөр кармалды. Бул тууралуу Чүй облустук милициясы билдирет.
2022-жылдын 14-январынан бүгүнкү күнгө чейин Беловодск жана Ак-Суу айылдарынын аймагындагы каналдардын суу бөлүштүрүүчү темир тосмолорун белгисиз бирөөлөр уурдап жатышкандыгы тууралуу 8 факты боюнча Москва РИИБне арыздар келип түшөн.
Ал кылмыштардын бирдиктүү реестрине КР Кылмыш-жаза кодексинин 205-беренеси (Уурдоо) боюнча катталып, сотко чейинки өндүрүш иштери башталган.
Чүй облусунун ИИББнын жана Москва РИИБнин кылмыш иликтөө кызматкерлери тарабынан жүргүзүлгөн “Уурулук” аталашындагы рейд иш-чарасы учурунда жогорудагы кылмышка шектелип, 1999-жылы туулган К.С., С.А. жана 2001-жылы туулган К.Д. аттуу жарандар кармалып, убактылуу кармоочу жайга камакка алынган.
Сотко чейинки өндүрүш иштери улантылууда.
Пикир
Оставить комментарий