Бишкек, 21.09.22./Кабар/. Ош аэропортунан диний-экстремисттик уюмдун материалдарын таратуу менен алектенген жаран кармалды. Бул тууралуу Улуттук коопсуздук мамлекеттик комитетинин басма сөз кызматы билдирет.
Маалыматка ылайык, УКМК тарабынан Кылмыш-жаза кодексинин 332-беренесинин 1-бөлүгүндө ("Экстремисттик материалдарды даярдоо, таратуу") каралган кылмыштын негизинде козголгон кылмыш ишинин алкагында КР аймагына кирүү учурунда Ош шаарынын аэропортунан “Новосибирск-Ош” авиакаттамы менен учуп келген диний-экстремисттик жана террористтик уюмдардын тыюу салынган материалдарын таратуу менен алектенген Кыргызстандын Ж.М.П. аттуу жараны кармалды.
Тиешелүү теологиялык экспертизанын жыйынтыгында, аккаунт аркылуу жарыяланган материалдарда диний-экстремисттик уюмдун символдору, экстремисттик чакырыктар табылган.
Азыркы учурда кармалган жаран КР УКМК тергөө абагынын убактылуу кармоо жайына камалды.
Пикир
Оставить комментарий