Бишкек, 11.10.22. /Кабар/. Жалал-Абад шаарындагы муниципалдык базарда, калкты тейлөө борборунда “Кан басымыңды бил!” акциясы өтүүдө. Бул тууралуу Жалал-Абад шаардык мэриясынан билдиришти.
Маалыматка ылайык, акция шаардагы үй-бүлөлүк дарыгерлер топторунун ден соолукту чыңдоо кабинетинин адистери тарабынан өткөрүлүп жатат.
Иш-чара калк арасында артериялык гипертензия жана жүрөк-кан тамыр ооруларынын алдын алуу менен оорунун татаалдашына алып келүүчү башка коркунучтар тууралуу маалымат берүү болуп саналат.
"Ушул тапта Жалал-Абад шаарындагы №2 жана № 1 үй-бүлөлүк дарыгерлер топторунун ден соолукту чыңдоо кабинетинин адистерине 500гө жакын жаран кайрылып, кан басымын текшертти. Аны менен катар дарыгерлер тарабынан кайрылган адамдарга акысыз медициналык кеңештер берилди", - деп белгилешти муниципалитеттен.
Пикир
Оставить комментарий