Бишкек, 06.02.24. /Кабар/. Билим берүү жана илим министрлигине караштуу "Санарип билим берүү борбору" мамлекеттик мекемеси түзүлдү. Бул тууралуу ведомстводон билдиришти.
Белгиленгендей, борбор КР министрлер кабинетинин 2023-жылдын 7-сентябрындагы №448 токтомуна ылайык түзүлдү.
Борбордун максаты санариптик чечимдерди иштеп чыгуу жана киргизүү жолу менен өлкөнүн билим берүү системасынын инфраструктурасын жакшыртуу болуп саналат.
Мамлекеттик мекеме түздөн-түз Билим берүү жана илим министрлигине баш иет.
"Санарип билим берүү борбору" мамлекеттик мекемесине 2024-2027-жылдарга карата төмөндөгү маалыматтык системаларды иштеп чыгуу жана оператор болуу тапшырылды:
- "Аттестаттар маалымат базасы";
- "Жалпы билим берүү уюмдарынын электрондук тарификациясы жана штаттык расписаниеси";
- "Акселератор";
- "Мугалимдерди баалоо";
- "БИМ".
КР министрлер кабинетинин төрагасы Акылбек Жапаровдун 2023-жылдын 20-октябрындагы №540 тескемесине ылайык "Санарип билим берүү борбору" мамлекеттик мекемесинин директору болуп Бабаев Бектурган Назарбекович дайындалды.
Пикир
Оставить комментарий