Бишкек, 06.08.20. /Кабар/. Сузак РИИБи тарабынан аптаптуу күндөрү суу кырсыктарынан алдын алуу максатындагы түшүндүрүү иштери улантылууда. Бул тууралуу Жалал-Абад облустук милициясынын басма сөз кызматы билдирет.
Маалыматка ылайык, милиция кызматкерлери район аймагында сууга түшүүчү жайларды көзөмөлгө алып жатышат. Шар аккан каналдардын тосмолоруна сууга түшкөн жаш балдарга жана ата-энелерине эскертүүлөр берилди. Өспүрүмдөрдүн өмүрүнө коркунуч алып келген жайларда сууга түшүүгө мүмкүн эместиги жеткирилди. Ата-энелерге өз балдарын ар дайым көзөмөл кылуу керектиги, алардын өмүрү баарынан кымбат тураары айтылды.
Эске салсак, буга чейин райондук милиция тарабынан сууга түшүүгө кооптуу деп эсептелген аймактарга эскертүү белгилери орнотулган.
Пикир
Оставить комментарий