Бишкек, 03.05.23./Кабар/. Бишкекте жашыл аянттарды зыянкечтерден коргоо иши жүргүзүлө баштады.
Муниципалитеттен билдиришкендей, "Бишкекжашылчарба" ишканасы 1-майдан 15-майга чейин "Шаардагы бак-дарактарды илдеттерге жана зыянкечтерге каршы комплекстүү дары-дармек менен дарылоо" программасынын негизинде иш алып барууда.
Иш-чаранын максаты - бак-дарактарды зыянкечтерден коргоо жана жакшы өсүүсүнө ыңгайлуу шарттарды түзүү болуп саналат.
Мэриядан белгилешкендей, дары чачуу иштери түнкүсүн жүргүзүлүп, айлана-чөйрөгө жана пайдалуу организмдерге зыяны жок препараттар колдонулууда.
Пикир
Оставить комментарий