Кыргызстандын аймагында бир жумада 21 миңден ашуун жол эрежесин бузуу катталды

Бишкек, 14.08.23. /Кабар/. Кыргызстандын аймагында 7нен 13-августка чейинки арадыкта 21 миң 203 жол эрежесин бузуу фактысы катталды. Бул тууралуу
КР ИИМдин Жол кыймылынын коопсуздугун камсыздоо башкы башкармалыгынан билдиришти.

Маалыматка ылайык, анын ичинен:

• тийиштүү документтери жок унаа башкаруу – 277;
• мас абалында рулга отуруу – 241;
• автоунаанын терезелерин мыйзамсыз караңгылатуу – 53;
• жөө жүргүнчүлөр катышкан жол эрежелерин бузуу фактылары – 1 167;
• транспорт каражаттарынын эксплуатациялоо эрежелерин бузуу – 4 190;
• автоээнбаштык – 8;
• белгиленген ылдамдыктан ашуу – 4 832;
• башка жол эрежелерин бузуу фактылары – 10 435.

Ар кандай жол эрежесин бузгандыгы үчүн 1 424 автоунаа убактылуу токтотуучу айып короо жайына токтотулган.

КР ИИМдин ЖКККББсы айдоочулардан жол кыймылынын коопсуздугунун эрежелерин так сактоого чакырат.