Бишкек, 06.01.21. /Кабар/. Кыргызстанда 2020-жылдын март айынан декабрь айына чейин "МАК-2020" операциясын өткөрүүнүн жыйынтыгында 119 баңги кылмышы аныкталып, мыйзамсыз жүгүртүүдөн 224 кг 682 гр баңгизат алынды. Бул тууралуу ИИМдин Баңгизатты мыйзамсыз жүгүртүүгө каршы күрөшүү кызматынан (БМЖККК) билдиришти.
Билдирүүгө ылайык, анын ичинен: героин - 2 кг 296 гр, апийим - 27 гр, гашиш - 38 кг 947 гр, марихуана - 76 кг 616 гр, кара куурай - 41 кг 216 гр, күкүрт кислотасы - 65 кг 80 гр, димедрол таблеткасы 10 миң даана - 500 гр жана 3 кг сымап (ртуть) алынды.
Ошондой эле 16 бирдик сайсыз ок атуучу курал, 63 даана ок дары, 2 бычак жана РГ - үлгүсүндөгү 3 даана граната, 2 үн чыгаруучу граната алынды.
"Кара куурай" операциясынын жүрүшүндө өлкөнүн аймагында 1 миң 262 гектар жер изилденди жана анын ичинен 547 гектарда өсүп жаткан кара куурай орулуп алынып, салмагы суу абалында 389 тонна 920 кг кара куурай өрттөө жолу менен жок кылынды.
Пикир
Оставить комментарий