Бишкек, 18.01.23. /Кабар/. Кыргыз Республикасынын эмгек сиңирген артисти Малик Аликеев менен коштошуу зыйнаты эртең, 19-январда өтөт. Бул тууралуу Маданият, маалымат, спорт жана жаштар саясаты министрлиги билдирет.
Ведомствонун билдирүүсүнө караганда, ырчыны акыркы сапарга узатуу иш-чарасы саат 10:00дө киндик каны тамган Талас облусунун Талас районуна караштуу Көпүрө-Базар айылында өтөт.
Белгилей кетсек, Кыргыз Республикасынын эмгек сиңирген артисти Малик Аликеев 17-январда 53 жаш курагында оорунун айынан дүйнө салды. Малик Аликеев эл арасында “Мөлмөлүм”, “Арзыкан”, “Таласым” ырлары менен таанымал болгон.
Пикир
Оставить комментарий