Бишкек, 25.08.22./Кабар/. Ош шаарында Ак-Буура дарыясынын күнүнө карата иш-чаралардын алкагында “Ашар – таза жээк” экологиялык акциясы өткөрүлдү. Бул тууралуу Ош шаардык мэриясынын маалымат кызматынан билдиришти.
Иш-чарага Ош шаарынын вице-мэри Венера Рыскулова, USAIDдин, суу чарба департаментинин, шаардык мекеме-ишканалардын өкүлдөрү, МАБ кызматкерлери, жаштар, спортчулар катышты.
Катышуучулар шаардын экологиялык көйгөйлөрүн чечүүгө көңүл буруунун, жаштарды шаардын экологиясына кам көрүү, Ак-Буура дарыясынын жээктеринин жана башка суу объектилеринин тазалыгына маани берүүнү белгилешти.
Акциянын 100дөн ашык адам катышып, Ак-Буура дарыясынын жээгин тазалашты.
Пикир
Оставить комментарий